Gəncədə yanğın hadisəsi baş verib. Bu haqda 2 yanvar tarixində Report-a istinadən məlumat veririk.
Hadisə 4 mərtəbəli binada qeydə alınıb. Dördüncü mərtəbədə 44 yaşlı Rizvan Əliyevə məxsus ümumi sahəsi 45 kv.m olan mənzilin mətbəxinin 6 kv.m sahədə yanar konstruksiyaları və bir kondisioner yanıb. Əraziyə Yanğından Mühafizə İdarəsinin 5 yanğınsöndürən maşını və canlı qüvvəsi cəlb olunub.
Alov söndürülüb və ətrafa yayılmasının qarşısı alınıb. Mənzilə yaxın yaşayan sakinlər təxliyə ediliblər. Hadisə nəticəsində xəsarət alan olmayıb. Yanğının başvermə səbəbləri araşdırılır.
