Gəncədə tullantıların atıldığı ərazi təmizlənib. Bu haqda 11 yanvar tarixində Mənzil Kommunal Təsərrüfatı İstehsalat Birliyinə istinadən məlumat veririk.
Ötən gün qədim məbədin ərazisinə tullantıların atılması barədə məlumat vermişdik. Bir vaxtlar Gəncə Dövlət Kamera Orkestrinin binası kimi fəaliyyət göstərən alban məbədinin ətraf ərazilərində MKTİB-nin əməkdaşları tərəfindən növbəti dəfə təmizlik işləri aparılıb. Bura səhər saatlarında Təmizlik şöbəsinin əməkdaşları cəlb olunublar. Onlar sözügedən ərazini məişət tullantılarından təmizləyiblər.
Bildirilib ki, uzun müddət nəzarətsiz qalan bu binanın ətrafı həmin ərazidə yaşayan sakinlər tərəfindən zibillənir. Bir müddət öncə orada təmizlik işləri görülsə də, ərazi yenidən zibillənib.
