Gəncənin icra başçısı Niyazi Bayramov Türkiyənin Gəncədəki Baş konsulu Zeki Öztürklə görüşüb. Bu haqda Gencexeber.az 19 dekabr taixində şəhər İH-yə istinadən məlumat verir.
Görüş Gəncə şəhərində diplomatik fəaliyyət müddətinin başa çatması ilə əlaqədar olaraq təşkil olunub. Burada AMEA-nın Gəncə bölməsinin sədri, akademik Fuad Əliyev, idarə, müəssisə və təşkilat rəhbərləri iştirak ediblər.
Niyazi Bayramov Zeki Öztürkü salamlayaraq onun diplomatik fəaliyyəti dövründə Gəncə şəhəri üçün göstərdiyi xidmətlərindən danışıb. Zeki Öztürk öz növbəsində Niyazi Bayramova səmimi görüşə görə minnədarlığını bildirib və Gəncədən xoş təəssüratlarla ayrıldığını vurğulayıb.
Sonda qarşılıqlı hədiyyələr təqdim olunub, xatirə şəkli çəkdirilib.
