Mingəçevirdə 53 yaşlı Kazım yetkinlik yaşına çatmayan qızı Ayselə (adlar şərti göstərilib) qarşı bir neçə il ərzində seksual xarakterli hərəkətlər edib.
Gencexeber.az Demokrat.az-a istinadən xəbər verir ki, Kazım 2009-cu il təvəllüdlü övladı ilə 2020-ci ilin iyul-avqust aylarından başlayaraq 2023-cü ilədək olan müddət ərzində iyrənc seksual hərəkətlər etməyə məcbur edib. Həmçinin onunla cinsi əlaqəyə girməyə çalışıb.
Hadisəni törədən Kazıma qarşı ittiham elan edilib. O, Cinayət Məcəlləsinin “On dörd yaşına çatmayan şəxs barəsində seksual xarakterli zorakılıq hərəkətləri törətmək”də şübhəli bilinib.
Təqsirləndirilən şəxs ifadəsində bildirib ki, qızına qarşı ilk dəfə sözügedən hərəkətləri narkotik vasitələrin təsiri altında edib.
İş üzrə zərərçəkmiş qismində ifadə verən Ayselin sözlərinə görə, atası Kazım ilə barışıb, ona qarşı heç bir şikayət və tələbi olmayıb. O, valideyni barəsində azadlıqdan məhrum etmə ilə bağlı olmayan cəza təyin edilməsini məhkəmədən xahiş edib.
Cinayət işinə Şəki Ağır Cinayətlər Məhkəməsində baxılıb. Verilən hökm ilə Kazım 16 il müddətinə azadlıqdan məhrum olunub. Onun cəzasını ciddi rejimli cəzaçəkmə müəssisəsində çəkməsi müəyyən edilib.
