Gəncədə bir sıra ağaclar kəsilib. Bu haqda 25 sentyabr tarixində Kəpəz televiziyasına istinadən məlumat veririk.
MKTİB-nin Yaşıllaşdırma şöbəsinin mobil qrupları tərəfindən şəhərdə aşma ehtimalı olan, təhlükə yaradan, hərəkət iştirakçıları üçün maneə törədən ağaclar kəsilərək budanıb. Sakinlərin müraciəti nəticəsində bu ay ərzində təxminən 50-yə yaxın irigövdəli ağaclar zərərsizləşdirilib. İşlər, əsasən, Heydər Əliyev, Şah İsmayıl Xətai və Atatürk prospektlərində aparılıb.
Bildirilir ki, ilin əvvəlindən indiyə kimi 200-ə yaxın quruyan və təhlükəli ağac kəsilib.
Qeyd edək ki, qanunvericiliyə əsasən, ağacların fərdi formada kəsilməsi inzibati cəzaya səbəb olur. Cərimə məbləği fiziki şəxslər üçün 3-10 min, hüquqi şəxlər üçün isə 20 min manata qədər təşkil edir.
