Gəncəbasar bölgəsində hava ilə bağlı xəbərdarlıq olunub.
Gencexeber.az Milli Hidrometeorologiya Xidmətinə istinadən məlumat verir ki, qərb rayonlarında sentyabrın 16-sı axşamdan başlayaraq hava kəskin dəyişəcək. Sentyabrın 18-i gündüzədək fasilələrlə yağış yağacağı, şimşək çaxacağı gözlənilir.
Gəncə-Qazax bölgəsində leysan olacağı, dolu düşəcəyi, yüksək dağlıq ərazilərdə qar yağacağı ehtimalı var. Havanın temperaturu ötən günlərlə müqayisədə 3-6 dərəcə aşağı enəcək.
Həmçinin çaylarda sululuğun artacağı, Böyük və Kiçik Qafqazın bəzi çaylarından qısamüddətli daşqın və sel keçəcəyi ehtimal edilir.
