Gəncə-Qazax bölgəsinin bəzi rayonlarında yanğın təhlükəsi var. Bununla bağlı Gencexeber.az Ekologiya və Təbii Sərvətlər Nazirliyinə istinadən xəbər verir.
Milli Hidrometeorologiya Xidməti bildirir ki, avqustun 19-20-də respublikanın bəzi bölgələrində isti hava şəraitinin hökm sürəcəyi gözlənilir. Qurumun rəisi Nazim Mahmudovun sözlərinə görə, belə hava şəraitində təbiət ərazilərində, xüsusən meşə sahələrində yanğın təhlükəsi ehtimalı artır. O, həssas bölgələrin yanğın indeksinin hazırlandığını və riskli istiqamətlərin müəyyən olunduğunu da açıqlayıb.
Rəsminin məlumatina əsasən, Gəncə-Qazax bölgəsində Tovuzda yüksək, Ağstafada isə çox yüksək yanğın təhlükəsi müəyyən edilib.
