Göygöl rayonunun Quşqara kəndində işıqlandırma sisteminin olmaması ciddi problemlərlə səbəb olur.
Gencexeber.az-a bu barədə kənd sakinləri tərəfindən məlumat verilib.
Bildirilib ki, kənddə işıqlandırmanın olmaması ağır qəzalara gətirib çıxarır:
"Kənd ərazisindən keçən avtomobil yolunda demək olar ki, hər gün qəza baş verir. Ərazidə iri ticarət mərkəzi və ərzaq dükanları olduğu üçün sözügedən yoldan istifadə etmək məcburiyyətində qalırıq. Dəfələrlə aidiyyəti qurumlara müraciət etsək də problemin həlli istiqamətində addımlar atılmır. Xahiş edirik ki, müvafiq qurumlar bu məsələni həll etsinlər, kənd ərazisində işıqlandırma sistemi quraşdırılsın".
