Bu ilin ilk 5 ayı ərzində 50 minə yaxın qan donoru qeydiyyata alınıb.
Report.аz xəbər verir ki, bunu Respublika Qan Bankının icraçı direktoru Elxan Nağıyev deyib.
O bildirib ki, Azərbaycanda donorların sayı ildən-ilə artır:
"Statistik göstəricilərə əsasən, 2023-cü ildən etibarən donor sayında ciddi artım müşahidə olunur. Belə ki, 2023-cü ildə ümumi donor sayımız 93 min nəfər olduğu halda, 2024-cü ildə bu rəqəm 124 minə, 2025-ci ildə isə 138 minə yüksəlib. Hazırda 2026-cı ilin ilk 5 ayı ərzində isə artıq 50 minə yaxın donor qeydiyyata alınıb. Bu da tələb olunan ehtiyacları ödəyir".
