Gəncədə sərnişin və yük daşınmalarının statistikası hazırlanıb. Bu haqda 9 may tarixində Marja-ya istinadən məlumat veririk.
2024-cü ilin yanvar-mart ayları üzrə nəqliyyat, infomasiya və rabitənin vəziyyəti açıqlanıb. Şəhər Statistika İdarəsinin məlumatına əsasən, nəqliyyat sahəsində fəaliyyət göstərən təsərrüfat subyektləri tərəfindən sözügedən dövr ərzində 22,5 milyon nəfər sərnişin, avtomobil nəqliyyatı sahəsində 1,3 milyon ton yük daşınıb. 2023-cü ilin yanvar-mart aylarına nisbətən, birincisi 7,6 faiz, ikinci isə 7,7 faiz artıb.
İnformasiya və rabitə müəssisələri tərəfindən bu ilin ilk 3 ayı 1,9 milyon manatlıq xidmət göstərilib. Onun 96,8 faizi əhali tərəfindən istehlak olunub.
Xidmətlərin ümumi həcmində dövlət sektorunun xüsusi çəkisi 72,3, qeyri-dövlət sektorunun isə 27,7 faiz təşkil edib.
