Gəncə Regional Turizm İdarəsi tərəfindən Şəmkir rayonu ərazisində fəaliyyət göstərən hotellərdə ulduz sertifikatının alınması məqsədilə audit və qiymətləndirmə prosesi həyata keçirilib.
Gencexeber.az məlumat verir ki, qiymətləndirmə zamanı hotellərdə təqdim olunan xidmətlərin keyfiyyəti, qonaq məmnuniyyəti, təhlükəsizlik standartları, otaq infrastrukturu, sanitariya vəziyyəti və əlavə xidmətlər ətraflı şəkildə araşdırılıb.
Aparılmış audit nəticəsində hotellərin mövcud standartlara uyğunluq səviyyəsi qiymətləndirilib, xidmət keyfiyyətinin daha da artırılması məqsədilə müvafiq tövsiyələr təqdim olunub.
Qeyd edək ki, hotellərin ulduzlaşdırılması turizm xidmətlərinin keyfiyyətinin yüksəldilməsi, qonaq məmnuniyyətinin artırılması və regionun turizm potensialının daha da inkişaf etdirilməsi baxımından mühüm əhəmiyyət daşıyır.
