Bu gün Ümumdünya Dondurma Günüdür.
Gencexeber.az bildirir ki, bu bayram rəsmi status almasa da, dünyanın bir çox yerlərində qeyd olunur.
Dondurmanın yaranma tarixi lap qədim zamanlara gedib çıxsa da, kütləvi satışı ilk dəfə ABŞ-də 10 iyun 1786-cı ildə başlanıb.
Təxminən 3000 il əvvəl Çində buz, qar və meyvə parçaları qarışığından sərinləndirici desertlər hazırlanırdı. Daha sonra süd və buz qarışdırılaraq bir resept ortaya çıxdı. Sonra Qədim İsrail və Yunanıstanda təravətləndirici desertlər hazırlanmağa başlanıldı.
Avropada dondurulmuş südün istifadəsi resepti XIV əsrdə İtaliyada mövcud olub.
Bütün dondurmasevənlərin yaxşı tanıdığı "plombir" adı da məhz Fransada dondurmanın ilk yarandığı yerin adı ilə bağlıdır - Plombiyer-le-Ben.
Dondurma hələ də dünyanın ən əlçatan, ən sevilən desertlərindən biri olaraq qalır.
Düzgün seçim edilməyəndə dondurmadan zəhərlənmək də mümkündür. Zəhərlənmənin ilkin əlamətləri isə qusma, ishal, ürəkbulanma və qızdırmadır.
