Regional Təhsil İdarəsinin Gəncə şəhəri üzrə tabeliyində fəaliyyət göstərən ümumtəhsil məktəblərində “Son zəng” tədbirləri həyata keçirilib. Bu haqda 14 iyun tarixində İcra Hakimiyyətinə istinadən xəbər veririk.
Tədbirlər məzunların hazırladığı ədəbi-bədii kompozisiyalarla davam edib. Bununla yanaşı, tədris ili ərzində keçirilən müxtəlif müsabiqələrdə qalib olmuş şagirdlərə “Fəxri Fərman”, “Təşəkkürnamə” və diplomlar da təqdim olunub.
Tədbirlərdə Gəncə Şəhər İcra Hakimiyyətinin başçısı Niyazi Bayramovun təsdiqlədiyi təhkimçilik siyahısına əsasən, şəhər İcra Hakimiyyəti başçısı Aparatının məsul əməkdaşları iştirak ediblər.
Məlumat üçün bildiririk ki, 2023-2024-cü tədris ilində Gəncə şəhəri üzrə təhsil sektorunun tabeliyində fəaliyyət göstərən 45 ümumi təhsil məktəbinin XI sinfini 3169 nəfər məzun bitirib.
