1991-ci ilin oktyabrında Azərbaycan müstəqilliyini bərpa etdi. Lakin bu illərdə ölkədə hakimiyyət böhranı yarandı, Birinci Qarabağ müharibəsi isə vəziyyəti daha da gərginləşdirirdi. Bu səbəblərdən 1993-cü ilin yayında Azərbaycanda vətəndaş müharibəsi təhlükəsi yaranmışdı.
Belə bir dönəmdə ölkəni bu ağır vəziyyətdən çıxarmağa qadir olan yeganə şəxsiyyət Heydər Əliyev olur. Respublikanın 91 tanınmış ziyalısı (“91-lər”) Naxçıvan Ali Məclisinin sədri Heydər Əliyevin Azərbaycanda hakimiyyətə qayıdışı üçün müraciətə imza atır. 9 iyun 1993-cü ildə ümummilli lider xalqın çağırışına səs verərək Bakıya qayıdır və 6 gündən sonra - 15 iyun tarixində Azərbaycan Ali Sovetinin sədri seçilir.
1997-ci ilin iyun ayında Milli Məclis 15 həmin günü rəsmi bayram elan etdi. Beləliklə, 15 İyun Azərbaycan tarixinə Milli Qurtuluş Günü kimi daxil oldu.
