Boks üzrə kadetlər arasında zona birinciliklərinin final mərhələsi başa çatıb.
Gencexeber.az məlumat verir ki, Şamaxıda təşkil olunan yarışda ölkənin müxtəlif şəhər və rayonlarının klublarını, həmçinin idman cəmiyyətlərini təmsil edən 57 komandanın 159 idmançısı qüvvəsini sınayıb.
Altı gün davam edən turnirdə 18 çəki dərəcəsi üzrə çempionlar və medalçılar müəyyənləşib. Komanda hesabında Gəncə təmsilçisi dörd qızıl və iki bürünc medalla birinci yeri tutub.
İkinci pillədə "Neftçi" İK qərarlaşıb. İlk üçlüyü isə bir qızıl və iki gümüş medal qazanan Daxili İşlər Nazirliyinin İdman Klubu (DİN İK) tamamlayıb.
Qeyd edək ki, yarışın mükafatçıları yığmanın heyətinə cəlb olunacaq və beynəlxalq turnirlərdə Azərbaycanı təmsil edəcəklər.
