Gəncəbasarda küləyin sürəti ilə bağlı xəbərdarlıq olunub.
Milli Hidrometeorologiya Xidmətinin məlumatına əsasən, 27-30 avqust tarixlərində güclü külək əsəcək. Bu səbəbdən bir sıra rayonlar sarı və narıncı xəbərdarlıq zonasına daxil edilib.
Onlardan Gəncə şəhəri və Goranboy rayonunda narıncı zonaya uyğun olaraq küləyin sürəti 20.8-28.4 m/san təşkil edəcək. Sarı zonaya daxil olan Mingəçevir şəhəri, Samux, Şəmkir, Göygöl və Daşkəsən rayonlarında isə külək 13.9-20.7 m/san sürətlə əsəcək.
