Gəncədə qanunsuz tikintilərlə bağlı aparılan monitorinqlər davam edir. Bu haqda 8 may tarixində İcra Hakimiyyətinə istinadən xəbər veririk.
FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin Əmlak Məsələləri Dövlət Xidmətinin 3 saylı Gəncə Ərazi İdarəsinin və hüquq-mühafizə orqanlarının nümayəndələrinin iştirakı ilə növbəti monitorinq keçirilib. Nəticədə müvafiq icazəverici sənədləri olmadan daha bir neçə yaşayış və qeyri-yaşayış sahəsinin tikintisinin aparıldığı aşkarlanıb.
Bu səbəbdən şəhərin Atabəylər küçəsi və Cavadxan qəsəbəsinə gedən istiqamətdə qanunsuz inşa edilən obyektlərdə tikinti işləri dayandırılaraq, söküntüsü təmin edilib.
Qeyd edək ki, şəhər ərazisində bu kimi tədbirlər mütəmadi olaraq davam etdiriləcək.
