Xəbər verdiyimiz kimi, yaşayış binasında bədbəxt hadisə baş verib.
Gencexeber.az-a Fövqəladə Hallar Nazirliyindən (FHN) verilən məlumata görə, Goranboy şəhəri, Cəfər Cabbarlı küçəsində yerləşən beşmərtəbəli yaşayış binasında uçqun baş verib. Məlumatla əlaqədar dərhal FHN-in Dövlət Yanğından Mühafizə Xidməti və Aran Regional Mərkəzinin qüvvələri əraziyə cəlb olunub.
Əməliyyat şəraiti qiymətləndirilərkən, beşmərtəbəli 60 mənzildən və 6 girişdən ibarət yaşayış binasının 2-ci girişinin birinci mərtəbəsində 2 mənzilin döşəməsi və arakəsmə divarlarının uçduğu müəyyən olunub.
FHN-in qüvvələri tərəfindən bina sakinləri təxliyə olunub, ərazidə müvafiq təhlükəsizlik tədbirləri görülüb.
Hadisə ilə əlaqədar aidiyyəti qurumlar tərəfindən araşdırma aparılır.
Qeyd edək ki, uçqun nəticəsində üçü qadın, biri kişi olmaqla dörd nəfər xəsarət alıb. Goranboy Rayon Mərkəzi Xəstəxanasından report.аz-ın sorğusuna cavab olaraq bildirilib ki, xəsarət alanlar adıçəkilən tibb ocağına hospitalizasiya olunub.
Onlara bədənin müxtəlif nahiyələrinin çoxsaylı travması diaqnozu təyin edilib. Hazırda müalicələri təcili və təxirəsalınmaz tibbi yardım şöbəsində davam etdirilir.
Vəziyyətləri orta ağır olaraq qiymətləndirilir.
Unikal.аz xəbər verir ki, Goranboy şəhərinin Cəfər Cabbarlı küçəsində yerləşən beşmərtəbəli yaşayış binasının birinci mərtəbəsində tavanın çökməsi hadisəsi baş verib. Hadisə nəticəsində iki nəfər xəsarət alıb. Zərərçəkənlər xəstəxanaya yerləşdirilib.
Hadisə yerinə dərhal aidiyyəti qurumların əməkdaşları cəlb olunub. Goranboy Rayon İcra Hakimiyyətinin Fövqəladə Hallar Komissiyasının sədri Seymur Nəzərov bildirib ki, baş verən insidentdən sonra zəruri təhlükəsizlik tədbirləri görülüb, bina sakinləri təxliyə edilib.
Faktla bağlı araşdırma aparılır.
