Gəncədə bayram günlərində Təcili Tibbi Yardım şöbəsinə daxil olan çağırışların sayı açıqlanıb. Bu haqda 5 yanvar tarixində şəhər Birləşmiş Xəstəxanasına istinadən məlumat veririk.
Bayram günlərində Gəncə Şəhər Birləşmiş Xəstəxanası Təcili və Təxirəsalınmaz Tibbi Yardım şöbəsinə 1767 müraciət daxil olub. Çağırış səbəbləri, əsasən, arterial təzyiqin qalxması, kardioloji problemlər, tənəffüs yollarının kəskin infeksiyası və s. ilə bağlı olub.
Bildirilir ki, həmin günlərdə Təcili və Təxirəsalınmaz Tibbi Yardım şöbəsi 7/24 gücləndirilmiş iş rejimində xidmət göstərib. Həmçinin 103 Çağrı mərkəzində məsul şəxslərdən ibarət növbətçilik təşkil olunub.
