Gəncə-Daşkəsən Regional Gənclər və İdman İdarəsinin təşkilatçılığı ilə yarış baş tutub. Bu haqda 24 iyun tarixində Kəpəz televiziyasına istinadən xəbər veririk.
Uşaq və yeniyetmələr arasında badminton üzrə şəhər birinciliyi keçirilib. Gənclər və İdman Nazirliyinin yaradılmasının 30 illiyinə həsr olunan yarışda 60-a yaxın qız və oğlan badmintonçu qüvvəsini sınayıb.
Mübarizələrdə 4 yaş qrupunda: 15-16, 13- 14, 12-13 və 10-11 yaşlarda məktəblilər bacarıqlarını ortaya qoyublar. Şəhər birinciliyi həm tək, həm cüt, həm də qarışıq növdə baş tutub. Sonda fəxri yerlərdə qərarlaşan idmançılar diplomla təltif ediliblər.
