Gəncədə 5 yaşlı uşağın aldığı müalicədən sonra saçlarının töküldüyü iddia olunur.
Gencexeber.az Oxu.az-a istinadən məlumat verir ki, azyaşlının nənəsi Amaliya Qoşqarova təzminat tələb edir. Onun sözlərinə görə, sağlamlıq üçün üz tutduğu həkim müalicəni səhv aparıb.
"Uşağın saçı seyrəlirdi, altı qaşınırdı. Məlahət xanımın yanına apardıq. Dedi ki, qurdu var. 4 dəfə yanına getdik, uşaqda saç tökülməsi daha da artdı. Dırnağı da tökülməyə başladı. Hər dəfə yanına gedəndə, 700-800 manat vermişəm. Mənə 3-4 min manat ziyan vurub, uşağı da bu hala salıb", - deyə o, qeyd edib.
Məsələ ilə bağlı sözügedən həkim Məlahət Qəhrəmanova bildirib ki, həmin xəstə saç yox, qurdla bağlı müraciət edib və müalicəsi normal aparılıb. Lakin ailə müalicəni sonacan davam etməyib. Pul tələbi ilə bağlı iddiaya gəlincə isə bir dəfə qaytarılıb. Növbəti tələb 2 il sonra olduğu üçün təmin edilməyib.
