Son günlər bir çox istifadəçilər “Azərcell” mobil operatorundan şikayətçidir. Belə ki, istifadəçilər tariflərin onların xəbəri olmadan dəyişdirildiyini və bununla da nömrələrindən müəyyən məbləğdə vəsait çıxdığını iddia edirlər.
Gencexeber.az xəbər verir ki, şikayətçilərdən biri də Gəncəli "influenser" və sahibkar Şəfəq Məmmədovadır. O, “Azərcell”in qaynar xəttinə zəng edərək məsələni aydınlaşdırmağa çalışıb.
Operator bildirib ki, nömrə alarkən imzalanan müqavilənin 2.7-ci maddəsinə əsasən abonentə təqdim olunan tariflərdə şirkət tərəfindən abunəçiyə xəbər vermədən birtərəfli və ya qabaqcadan xəbərdarlıq olunaraq dəyişiklik etməyə tam hüququ var.
