Azərbaycan futbol milli komandası mayın 28-dən 30-dək Bakıda, iyunun 1-dən 10-dək isə Avstriyanın Bad-Valtersdorf şəhərində təlim-məşq toplanışında olacaq.
Gencexeber.az məlumat verir ki, millimiz Avstriya toplanışı çərçivəsində iyunun 5-də Malta, 9-da isə San-Marino yığmasına qarşı iki yoldaşlıq oyunu keçirəcək. Macarıstanın Sombatxey şəhərində yerləşən "Haladaş" stadionunda baş tutacaq hər iki görüşün Bakı vaxtı ilə saat 22:00-da başlanması planlaşdırılır.
Qeyd edək ki, təqdim olunan siyahıda "Kəpəz" futbol klubunun heyətində çıxış edən futbolçulardan heç biri millimizə dəvət almayıb.
Yığmaya dəvət edilən futbolçuların adlarını nəzərinizə çatdırırıq:
Qapıçılar: Rza Cəfərov ("Qəbələ"), Şahrudin Məhəmmədəliyev ("Qarabağ"), Emil Balayev ("Neftçi");
Müdafiəçilər: Bədavi Hüseynov, Elvin Cəfərquliyev, Toral Bayramov (hamısı "Qarabağ"), Cəlal Hüseynov ("Arda", Bolqarıstan), Anton Krivotsyuk ("Daejon Hana", Cənubi Koreya), Rahil Məmmədov ("Araz-Naxçıvan"), Elvin Bədəlov ("Neftçi"), Rəhman Daşdəmirov, Tellur Mütəllimov ("Sabah"), Qismət Alıyev ("Zirə"), Rüfət Abbasov ("Şamaxı");
Yarımmüdafiəçilər: Emin Mahmudov, Emil Səfərov (ikisi də "Neftçi"), Səbuhi Abdullazadə, Rüstəm Əhmədzadə (hər ikisi "Sumqayıt"), Rəhim Sadıxov, Ayxan Hüseynov (hər ikisi "Turan Tovuz"), Abdulla Xaybullayev, Aleksey İsayev, Xəyal Əliyev (hamısı "Sabah"), Vüsal İsgəndərli ("Partizani", Albaniya);
Hücumçular: Nəriman Axundzadə ("Kolumbus Kryu", ABŞ), Mahir Emreli ("Kayzerslautern", Almaniya), Renat Dadaşov ("Motor", Polşa).
