Gəncə futbol klubumuzun Azərbaycan U-16 Liqasının hesabat turunun rəqibi ilə matçında xoşagəlməz hadisə baş verib. Bu haqda 9 may tarixində Oxu.az-a istinadən xəbər veririk.
Şəhərimizdə keçirilən qarşılaşmanın final fitindən sonra qonaq komandanın futbolçuları azarkeşlər tərəfindən döyülüblər. Matç zamanı da “Qəbələ” futbolçuları təhqirə məruz qalıblar.
Oyun başa çatdıqdan sonra hər iki komandanın futbolçuları arasında gərginlik yaşanıb. Bu zaman meydana daxil olan üç azarkeş futbolçulara və məşqçilərə hücum edib. İnsident zamanı “Qəbələ”nin futbolçularından Ş.R və Ə.G ciddi xəsarət alıblar.
Daxili İşlər Nazirliyinin Mətbuat Xidmətindən bildirilib ki, hadisə ilə bağlı araşdırma aparılır.
Qeyd edək ki, qarşılaşma Gəncə təmsilçisinin 2:0 hesablı qələbəsi ilə yekunlaşıb.
