Tələbə adını qazanan abituriyentlərin sayı 50 mindən çox olub.
Gencexeber.az Dövlət İmtahan Mərkəzinə istinadən məlumat verir ki, Ali təhsil müəssisələrinin müsabiqəsində 82 883 nəfər iştirak edib.
Onlardan 55 656 nəfəri (o cümlədən 7 287 subbakalavr) ali təhsil müəssisələrinə qəbul olunub. 27 117 (o cümlədən 1 579 subbakalavr) nəfər dövlət sifarişi əsasında, 28 539 (o cümlədən 5 708 subbakalavr) nəfər isə ödənişli əsaslarla təhsil almaq hüququ əldə edib.
Qeyd edək ki, bu rəqəmlər Azərbaycan təhsil tarixində ən yüksək göstərici hesab olunur.
