Xalq artisti Gəncədə pişiyin asılması ilə bağlı paylaşım edib. Bu haqda 10 yanvar tarixində Lent.az-a istinadən məlumat veririk.
Aygün Kazımova İnstagram hesabında bir neçə gündür sosial şəbəkələrdə yayılan naməlum şəxslər tərəfindən asılan pişiyin görüntülərinə reaksiya verib. O, bu əməli törədənləri tənqid edərək onların cəzalandırılmasını istəyib.
"Bu fotonu izləyicilərim instaqramda mənə göndəriblər. Görəndə nə deyəcəyimi bilmədim. Baxmağa belə insanın ürəyi gəlmir. Bunu edənlər hansı ürəyə sahibdirlər? Bu cür vəhşilik olarmı? Bir heyvandan insan nə istəyə bilər axı? O da bir canlıdır. Özü də dili, ağzı olmayan bir canlı. Bu cür hal ilk deyil. Bundan əvvəl də dəfələrlə heyvanlara işgəncə verilən görüntülər yayıldı. Bu, canilikdir. Heyvana işgəncə vermək olmaz. İnanıram ki, lazımi qurumlar bu məsələni araşdırıb səbəbkarları cəzalandıracaqlar. Gəlin, mərhəmətimizi itirməyək".
