Gəncədə 12 ədəd avtomat və tapança satan gənc tutulub. Bu haqda 12 iyun tarixində Daxili İşlər Nazirliyinə istinadən xəbər veririk.
Baş Polis İdarəsinin əməkdaşları tərəfindən keçirilən tədbir zamanı 24 yaşlı oğlan saxlanılıb. DİN-in Mətbuat Xidmətinin Gəncə regional qrupundan bildirilib ki, Azər Abbasovdan 12 ədəd müxtəlif markalı avtomat və tapança aşkarlanıb.
Saxlanılan şəxs silahları Göygöl rayonu ərazisindən götürdüyünü və satmaq üçün Gəncəyə gətirdiyini bildirib.
Faktla bağlı cinayət işi başlanılıb, A. Abbasov barəsində həbs qətimkan tədbiri seçilib.
