Nazirlər Kabineti avtobuslarda məsafə əsaslı gedişhaqqının tətbiqi ilə bağlı yeni qaydaları təsdiqləyib.
Bununla bağlı Baş nazir Əli Əsədov yeni qərar imzalayıb.
Qərara əsasən, sistem Bakı, Sumqayıt, Gəncə, Naxçıvan, Xankəndi şəhərlərində, həmçinin Abşeron, Ağdam, Şuşa və Laçın rayonlarında tətbiq olunacaq.
Yeni qaydalara görə, sərnişinlərin ödədiyi məbləğ xidmətin dəyərini qarşılamadıqda yaranan fərq dövlət subsidiyası hesabına ödəniləcək. Subsidiyalar daşıyıcılara hər ay təqdim olunan sənədlər əsasında köçürüləcək.
Qeyd edilib ki, müəyyən olunmuş istismar müddətini və yürüş həddini keçmiş avtobuslarla sərnişindaşıma həyata keçirilə bilməz.
