Bilet satışı üçün yeni portal yaradılıb. Bu haqda 17 dekabr tarixində Report-a istinadən məlumat veririk.
Şəhərlərarası və rayonlararası müntəzəm avtobus marşrutlarına onlayn biletlər “biletim.az” portalı üzərindən satışa çıxarılıb. Burada Bakıdan Gəncəyə və əks-istiqamətdə hərəkət edən avtobuslara biletləri 10 gün əvvəldən əldə etmək olur.
Bilet almaq üçün sərnişinlər “biletim.az” saytına və ya mobil tətbiqinə daxil olaraq qeydiyyatdan keçməlidirlər.
Məqsəd rəqəmsal transformasiyanın təmin edilməsidir. Portala ilkin mərhələdə 25 daşıyıcı qoşulub. Bir müddət sonra onlayn bilet sistemi bu sahədə xidmət göstərən bütün daşıyıcıları və avtovağzalları mərhələli şəkildə əhatə edəcək.
