Gəncədə universitetlərdən birində rekorda imza atılıb.
Gencexeber.az məlumat verir ki, Azərbaycan Texnologiya Universiteti tarixində tələbə qəbulunda ilk dəfə maksimal say qeydə alınıb. Təhsil ocağının 2024/2025-ci tədris ili üzrə bakalavriat səviyyəsinə tələbə qəbulu 94 faiz təşkil edib. Belə ki, 1290 plan yerinə 1211 nəfər qəbul olub.
Universitetdə qəbul 27 ixtisas üzrə aparılıb. Onlardan 22 ixtisasda plan yerləri 100 faiz dolub. Digər qismən dolmuş 5 ixtisasa əlavə yerləşdirmə 28 avqust – 2 sentyabr tarixlərində baş tutacaq II turda həyata keçiriləcək.
Qeyd edək ki, universitetə qəbul olan 1211 tələbənin 188-i dövlət sifarişi, 1023 nəfəri isə ödənişli əsaslarla təhsil alacaq.
