Gəncədə atasını öldürən şəxsə hökm oxunub. Bu haqda 24 dekabr tarixində Qafqazinfo-ya istinadən məlumat veririk.
Şəhər sakini Məmməd Məmmədovun 1963-cü il təvəllüdlü atası Azad Məmmədovu öldürməsi barədə məlumat vermişdik. Hadisə ötən il 10 dekabr tarixində baş vermişdi. Cinayətkar 10 il 6 ay müddətinə azadlıqdan məhrum edilib.
Məmməd evdə mübahisə zamanı atasını yerə yıxıb və onu boğaraq öldürüb. Meyiti və izlərini itirmək üçün həyətdə çuxur qazaraq atasının cəsədini yandırıb.
Bundan sonra sevgilisinə hədiyyə almaq üçün şəhərə gedib. Geri qayıdanda isə atasının cəsədinin tam yanmadığını görüb. Bu zaman o, yenidən meyitin üzərinə benzin tökərək yandırıb. Daha sonra yanmış cəsədi torbaya qoyaraq həyətdə ağacın yanında basdırsa da, torbanın bir qismi çöldə qalıb.
Məmməd özündən şübhələri yayındırmaq üçün polisə atasının itkin düşməsi ilə bağlı məlumat verib. Polis əməkdaşları ev və həyətyanı sahəyə ətraflı baxış keçirərək, şübhəli bir şey aşkarlamadan gediblər. Polis əməkdaşları getdikdən sonra Məmmədin bibisi oğlu Azad Məmmədovun meyiti olan torbanı həyətyanı sahədən tapıb və polisə məlumat verib.
Qeyd edək ki, Məmməd Məmmədov Vətən müharibəsi iştirakçısı olub.
