Goranboyda həyat yoldaşı Arzu Talıbovanın qətlində ittiham edilən 39 yaşlı Rauf Əliyevin (ad və soyadlar şərtidir) məhkəməsi başa çatıb.
Qafqazinfo.аz xəbər verir ki, Gəncə Ağır Cinayətlər Məhkəməsində keçirilən prosesdə təqsirləndirilən şəxsə hökm oxunub.
Araşdırmalarla müəyyən edilib ki, Rauf həyat yoldaşını qısqanclıq zəminində qətlə yetirib.
Belə ki, kişi arvadını digər şəxslərə, eyni zamanda öz xalası oğluna qısqanıb. Bu səbəbdən ailədə münasibətlər kəskinləşib, nəticədə R.Əliyev xanımını bıçaqlayaraq qətlə yetirib.
Mərhumun atası məhkəməyə sənəd təqdim edərək Rauf Əliyevdən şikayətçi olmadığını bildirib.
Məhkəmənin hökmü ilə M.Əliyevə 9 il həbs cəzası verilib.
