Xəbər verdiyimiz kimi, son günlər Gəncə şəhəri və Samux rayonunda keçirilən yas mərasimlərində kütləvi qida zəhərlənmələri baş verib.
Azərbaycan Respublikasının Qida Təhlükəsizliyi Agentliyi (AQTA) tərəfindən Gencexeber.az-a bildirib ki, aparılan ilkin araşdırmalar zamanı zəhərlənmə hallarında istehlak edilən lavaş məhsulu əsas risk faktoru kimi müəyyən edilib.
Qurumdan bildirilib ki, laborator müayinələrin nəticələri əldə olunduqdan sonra zəhərlənmənin dəqiq səbəbi ictimaiyyətə açıqlanacaq.
AQTA Gəncə şəhəri və ətraf rayonların sakinlərinə mənşəyi məlum olmayan, qida təhlükəsizliyi qeydiyyatından keçməyən və etiket məlumatları olmayan lavaş məhsullarını istehlak etməməyi tövsiyə edib.
Bildirilib ki, hazırda sözügedən məhsulun satış nöqtələri və paylanma zənciri müəyyənləşdirilib, məhsulun bazardan geri çağırılması istiqamətində tədbirlər görülür. Məsələ aidiyyəti dövlət qurumları ilə birgə araşdırılır.
AQTA vətəndaşlara müraciət edərək bir daha "Mənşəyi məlum olmayan lavaşı yeməyək" çağırışını edib.
