Xəbər verdiyimiz kimi, Goranboy rayonunun Fəxralı kəndində ağır cinayət hadisəsi baş verib. 10-dan çox bıçaq xəsarəti alan 1963-cü il təvəllüdlü Zoya Əhmədova hadisə yerində dünyasını dəyişib. 1995-ci il təvəllüdlü Jalə Yolçuzadə isə ağır vəziyyətdə xəstəxanaya yerləşdirilib.
Hadislə ilə bağlı Gencexeber.az-a açıqlama verən ailənin qonşusu Könül Qocayev bildirib ki, onlar hamı ilə ünsiyyətdə olan, sakit və mehriban bir ailə kimi tanınıblar.
Onun sözlərinə görə, hadisəni törətməkdə şübhəli bilinən Vətən müharibəsi qazisi, 1987-ci il təvəllüdlü Emin Vəliyev müharibədən sonra psixoloji baxımdan əvvəlki vəziyyətində olmayıb: "Müharibədən sonra əsəbləri pozulmuşdu. Çox gözəl ailə idi…"
Qeyd edək ki, hadisəni törətməkdə şübhəli bilinən Emin Vəliyev hadisə yerindən qaçsa da, polis əməkdaşları tərəfindən keçirilən əməliyyat-axtarış tədbirləri nəticəsində saxlanılıb.
E.Vəliyevin ağır xəsarət alan həyat yoldaşı iki azyaşlı uşaq anasıdır.
Faktla bağlı hüquq-mühafizə orqanları tərəfindən araşdırma aparılır.
