Agstafada yüksək nəticə əldə edən abituriyentlərlə görüş keçirilib. Tədbirə sözügedən məzunlar, onların valideynləri, ictimaiyyət nümayəndələri qatılıblar.
Gencexeber.az Qafqazinfo-ya istinadən xəbər veririk ki, Ağstafa Rayon İcra Hakimiyyəti başçısı Seymur Orucov qəbul imtahanında yüksək bal toplayaraq tələbə adı qazanan abituriyentləri təbrik edib. Şəhər rəhbəri onlara gələcək hədəflərinə çatmaq üçün daha böyük uğur və müvəffəqiyyətlər qazanacaqlarına əmin olduğunu bildirib.
Daha sonra Ağstafa Təhsil sektorunun müdiri Mədət Zeynalov, şair Rüfət Axundlu, buraxılış imtahanında maksimum 300, ümumilikdə 669 bal toplayan Həcər Emil qızı İsgəndərli və qəbul imtahanında 682 bal toplayaraq yüksək nəaliyyət əldə edən abituriyent Nurlan Saleh oğlu Axundov çıxış ediblər.
Sonda icra başçısı abituriyentləri Fəxri fərman və hədiyyələrlə təltifləyib.
