Türkiyədə universitet rektoru Gəncədə təhsil alan tələbələrlə görüşüb. Bu haqda 4 avqust tarixində ADAU-ya istinadən məlumat veririk.
Ötən gün Azərbaycan Dövlət Aqrar Universitetinin 40 tələbəsinin Türkiyəyə yollanması barədə xəbər paylaşmışdıq. Ege Universitetinin rektoru Necdet Budak ADAU-EGE beynəlxalq ikili diplom proqramı çərçivəsində təhsillərinin son illərini Türkiyənin Ege Universitetində almaq üçün gedən "aqronomluq", "bitki mühafizəsi" və "iqtisadiyyat" ixtisası üzrə təhsil alan tələbələri qəbul edib.
Tədbirdə Budak ADAU-nun rektor vəzifəsini icra edən Zəfər Qurbanova zəng edərək, canlı bağlantıda qardaş ölkədən gələn gənclərin yüksək səviyyədə təhsil almaları üçün universitetdə bütün imkanların yaradıldığını və onların mükəmməl ixtisasçı olaraq öz Vətənlərinə qayıdacaqlarına əminlik gətirib.
Tədbirin sonunda ADAU tələbələrinə Ege Universitetinin tələbə biletləri və hədiyyələr təqdim edilib.
