Gəncədəki Azərbaycan Dövlət Aqrar Universitetində Ümumi meşəçilik və meşələrin idarə olunması adlı dərs vəsaiti çapdan çıxıb. Bu haqda 22 may tarixində ADAU-ya istinadən xəbər veririk.
Dərs vəsaiti Universitetin Meşəçilik kafedrasının dosent əvəzi, aqrar elmlər üzrə fəlsəfə doktoru Valeh Şükürlü və magistr tələbə Gülnar Şükürlü tərəfindən tərtib edilib. Vəsait meşəçiliyin bütün sahələrini əhatə edir və tərtibində klassik meşəçiliklə bərabər, müasir elmin son ədəbiyyatlarından da istifadə edilib.
Azərbaycan Dövlət Aqrar Universitetinin əməkdaşları və tələbələri ali təhsil müəssisəsinin Əsaslı Kitabxanasına yaxınlaşaraq, dərs vəsaitini əldə edə bilərlər.
