Azərbaycan Dövlət Aqrar Universitetində “Ümummilli Lider Heydər Əliyev və müasir Azərbaycan gəncliyi” mövzusunda elmi konfrans keçirilib. Bu haqda 1 fevral tarixində ADAU-ya istinadən xəbər veririk.
Konfransda əvvəlcə Dövlət Himni səsləndirilib, sonra ulu öndər Heydər Əliyevin və torpaqlarımızın bütövlüyü uğrunda canlarından keçən şəhidlərin əziz xatirəsi yad olunub.
Çıxış edən universitetin rektoru vəzifəsini icra edən Zəfər Qurbanov bildirib ki, Gənclər Günü ölkəmizdə gənclərə diqqət və qayğının hansı səviyyədə olduğunu, həm də bu günün təsis olunma səbəbini təhlil etmək zərurətini ortaya çıxarır. Bu gün böyük inam hissi ilə qeyd edirik ki, ölkəmizdə gənclər siyasəti dövlət siyasətinin tərkib hissəsidir.
Həmçinin çıxış edən YAP Gəncə şəhər təşkilatının sədr müavini Nurəddin İbrahimov və ADAU-nun İctimai fənlər kafedrasının müdiri Azad Bayramov diqqətə çatdırıblar ki, gənclər ulu öndər Heydər Əliyevin yaradıcısı olduğu Yeni Azərbaycan Partiyasının sıralarında çoxluq təşkil edirlər. Tədbirdə tələbələrdən Röya Qasımzadə, Müslim Süleymanlı, Gülçin Nəbizadə və Aygün Əmrahova çıxış ediblər.
Sonda YAP GB-nin sıralarında xüsusi fəallığı ilə seçilən bir qrup tələbə təşəkkürnamə ilə təltif olunub.
