Gəncədə universitetlərdən birində yeni dekan təyin edilib. Bu haqda 4 iyul tarixində sosial şəbəkələrə istinadən məlumat veririk.
Söhbət Azərbaycan Dövlət Aqrar Universitetindən gedir. Təhsil ocağının Baytarlıq təbabəti fakültəsində dekan vəzifəsi Aqrar elmləri üzrə fəlsəfə doktoru dosent Şəlalə Zeynalovaya həvalə olunub.
O, universitet tarixində ilk qadın dekandır.
Qeyd edək ki, Şəlalə Zeynalova Azərbaycan Kənd Təsərrüfatı Akademiyasının Baytarlıq fakültəsini, 2006-cı ildə isə Kənd Təsərrüfatı Akademiyasının Baytarlıq ixtisası üzrə magistr pilləsini fərqlənmə diplomları ilə bitirib. 50-dən çox elmi məqalənin və tezislərin müəllifidir.
