İyulun 29-da Daşkəsən rayonunda açıq havada milli kino nümayişi təşkil olunacaq.
Gencexeber.az məlumat verir ki, tədbir Daşkəsən Rayon İcra Hakimiyyətinin dəstəyi, "AzerGold" QSC və Bakı Media Mərkəzinin birgə təşkilatçılığı ilə baş tutacaq.
Kino həvəskarlarına görkəmli xeyriyyəçi Hacı Zeynalabdin Tağıyevin həyat və fəaliyyətindən bəhs edən "Tağıyev: Neft" bədii filmi təqdim ediləcək.
Nümayiş saat 20:00-da Daşkəsən rayonunun Xoşbulaq kəndində yerləşən Daşkəsən Gənclərinin Təlim və İstirahət Mərkəzində keçiriləcək.
Təşkilatçılar milli kinomuzun dəyərli nümunələrindən birini izləmək istəyən hər kəsi tədbirə dəvət edirlər.
Qeyd edək ki, tədbirdə iştirak ödənişsizdir və giriş sərbəstdir.
