Gəncədə xəstəxanaya yeni təyinat olub. Bu haqda 8 avqust tarixində Şəhər Birləşmiş Xəstəxanasına istinadən xəbər veririk.
Abbas Səhhət adına xəstəxananın təcili yardım şöbəsinə şöbə müdiri təyin olunub. Bu vəzifəni Əfsanə Cəfərova yerinə yetirəcək.
Əfsanə Ziyad qızı Cəfərova 29 yanvar 1988-ci ildə Rusiya Federasiyasının Altay vilayətinin Barnaul şəhərində anadan olub. 20 saylı tam orta məktəbi bitirib. 2005-2011-ci illərdə Azərbaycan Tibb Universitetinin müalicə işi fakültəsinin məzunu olub. Əfsanə Cəfərova Bakıda özəl xəstəxanaların birində çalışıb, daha sonra fəaliyyətini Gəncə Beynəlxalq xəstəxanasında davam etdirib. 2016-cı ildən Abbas Səhhət adına xəstəxananın poliklinika şöbəsində çalışmağa başlayıb. 2021-ci ildən də təcili yardım şöbəsində fəaliyyət göstərir.
Əfsanə Cəfərova artıq təcili yardım şöbəsinin müdiri vəzifəsini icra edir.
