Gəncədə vaxtından öncə dünyaya gətirilən körpə komaya düşüb. Bu haqda 5 yanvar tarixində Bizim.media-ya istinadən məlumat veririk.
Hadisə Gəncə şəhər Abbas Səhhət adına xəstəxanada baş verib. Şəhər sakini Qurbanova Aytən Adil qızı dekabrın 27-də son müayinə üçün xəstəxanaya müraciət edib. Körpənin 11-18 yanvar arası dünyaya gələcəyi bildirilsə də, ana Səbinə Quliyeva adlı həkim tərəfindən erkən qeysəriyyə əməliyyatına alınıb. Şöbə müdiri Şəhla adlı həkim isə bayram tətilində Bakıda olacağını bildirirərək, əməliyyatı dekabrın 29-na təyin edib.
Əməliyyatdan sonra uşağın atasına bildirilib ki, körpənin ciyərləri açılmayıb və reanimasiyada kuveizə yerləşdiriblər. Buna görə atadan 350 manat pul da alınıb. Yanvarın 2-nə qədər körpə küveizdə saxlanılıb. Daha sonra vəziyyəti ağırlaşan balaca K.Fərəcova adına Elmi-Tədqiqat Pediatriya İnstitutuna (OMD xəstəxanası) yerləşdirilib.
Buradan bildirilib ki, uşaq şöbəyə ağır vəziyətdə intubasiya boru ilə huşu komatoz, ətraf qıcığa reaksiyasız daxil olub. Hal-hazırda vəziyyəti çox ağırdır, STA ağ ciyərlərin ventilyasiyası davam edir, huşu komatozdur, ətraf qıcıqlara reaksiya vermir, tam parenteral qidalanmadadır, NQZ hemorragik möhtəviyyat xaric olur, antibakterial və infuzion terapiya davam edir, neyrosonaqrafiaya olunub və nəticəsinə əsasən beyin parenximasının exogenliyi artıb.
Qeyd edək ki, bu, qadının ikinci hamiləliyi olub.
