Gəncədə kiçik yaşlı futbolçular oyunları doğma şəhərdə keçirə bilmirlər. Bu haqda 1 fevral tarixində Kəpəz televiziyasına istinadən məlumat veririk.
Dörd ilə yaxın müddətdir ki, Nizami yurdunun aşağı yaş qrupu üzrə komandaları AFFA-nın təşkilatçılığı ilə reallaşan liqalarda oyunlarını keçirmək üçün Göygölə üz tuturlar. Buna səbəb şəhərimizdə uyğun stadionun yoxluğu və fəaliyyət göstərən meydançalarda soyunub-geyinmə otaqlarının, sanitar qovşaqlarının ürəkaçan vəziyyətdə olmamasıdır.
Bu hal məşqçilərin narazılığına səbəb olur. Onlar Gəncədə də uşaq komandaları üçün yaxşı şəraitin yaradılmasını arzulayırlar.
