Gəncədə 27 Sentyabr – Anım Gününə həsr olunmuş tədbir təşkil olunub. Bu haqda 27 sentyabr tarixində Gənclər Evinə istinadən xəbər veririk.
Gənclərin iştirakı ilə “27 Sentyabr - Zəfər yolu” adlı tədbir keçirilib. Burada şəhid ailələrinin üzvləri və qazilər iştirak ediblər. Tədbirdə Regional Kollecin və Gənclər Evinin istedadlı gəncləri tərəfindən şeirlər və vətənpərvər ruhda kompozisiyalar səsləndirilib. Həmçinin ordumuzun şanlı qələbəsindən, şəhidlərimizin zəfərindən bəhs olunub.
Tədbirdə Regional Gənclər və İdman İdarəsinin rəisi İntiqam Hüseynov, Gənclər Evinin direktoru Amil Qurbanov, YAP Gəncə Şəhər Təşkilatının sədri Bayram Aslanov, Ombudsmanın Qərb Regional Mərkəzinin rəhbəri Səbuhi Abbasov, Gəncə Maarif Evinin rəhbəri İmamverdi Vəliyev və GDU-nun Ümumi tarix kafedrasının baş müəllimi Bəxtiyar Məhərrəmov iştirak ediblər.
