Gəncədə yağış suları sakinlərə problem yaradır.
Gencexeber.az-a daxil olan məlumata görə, şəhərin Mustafa Sübhi küçəsində, Mirzə Abbas Abbaszadə adına 20 nömrəli tam orta məktəbin arxa hissəsində yağıntılar zamanı iri gölməçə əmələ gəlir. Əhalinin sözlərinə görə, əraziyə günəş işığının az düşməsi səbəbindən su uzun müddət çəkilmir.
Bildirilib ki, nəticədə küçədə hərəkət çətinləşir, bəzi hallarda isə yağış suları yaxınlıqdakı evlərə dolaraq sakinlərə ciddi narahatlıq yaradır.
Vətəndaşlar problemin aradan qaldırılması üçün aidiyyəti qurumlara müraciət edərək ərazidə suötürücü sistemin qurulmasını və müvafiq tədbirlərin görülməsini istəyirlər.
