Gəncədə 2 saylı Regional “ASAN Xidmət” mərkəzinin fəaliyyətinin biri ili tamam olur. Bu haqda 1 fevral tarixində Kəpəz televiziyasına istinadən məlumat veririk.
Mərkəz Nizami yurdu ilə yanaşı, Şəmkir, Gədəbəy, Göygöl, Goranboy, Samux, Naftalan, Kəlbəcər və Xocalı rayonlarında qeydiyyatda olan 1 milyona yaxın vətəndaşa ölkə üzrə ərazi məhdudiyyəti olmadan xidmət göstərir.
Burada 208 nəfər çalışır və 85 könüllüsü var. 40 nəfər işçi, əsasən, şəhid ailəsi üzvləri, qazilər və ASAN könüllülərindən cəlb olunanlardır. 2 saylı Gəncə regional “ASAN Xidmət” mərkəzində müxtəlif dövlət orqanları, həmçinin özəl şirkət və müəssisələr tərəfindən 360-dan çox xidmət həyata keçirilir. Gün ərzində bura 900-1100 arası vətəndaş müraciət edir.
2 saylı Regional “ASAN Xidmət” mərkəzinin bir illik fəaliyyəti ərzində 254 mindən çox vətəndaşa xidmət göstərilib.
