Çin Xalq Respublikasının paytaxtı Pekində azərbaycanlı rəssamların əsərləri sərgilənib.
Gencexeber.az-ın əldə etdiyi məlumata görə, ölkəmizin Çindəki səfirliyi "Innovation" İncəsənət və Səyahət Mərkəzi, "AYDANİ" incəsənət qalereyası ilə birgə Pekində "İncəsənət vasitəsilə dialoq" adlı sərgi təşkil edib.
Sərgidə Azərbaycanın 20-yə yaxın rəssamı arasında Gəncənin Mehdi Mehdizadə adına 4 nömrəli xarici dil təmayüllü məktəb-liseyinin 6-cı sinif şagirdi, 12 yaşlı Rəsmiyyə Yunis qızı Vəliyeva da yer alıb.
Onun əsəri yüksək qiymətləndirilib və mükafatlandırılıb.
Bundan əvvəl onun əsərləri Bakı, Koreya və Braziliyada keçirilən sərgilərdə də nümayiş olunub.
