Gəncəli vəkil respublika turnirində uğur əldə edib. Bu haqda 23 aprel tarixində Vəkillər Kollegiyasına istinadən məlumat veririk.
Vəkillər Kollegiyası tərəfindən ənənəvi Azərbaycan vəkillərinin IV şahmat çempionatı keçirilib. Turnir iki gün davam edib. Burada respublika üzrə ümumilikdə 30 nəfər mübarizə aparıb.
Çempionatın nəticələrinə əsasən, Gəncə şəhər 1 saylı Vəkil Bürosunun müdiri, vəkil Camal Əliyev birinci yerə layiq görülüb. Ona “Qanun” nəşriyyatının kitab mağazasından hədiyyə kartı, müvafiq diplom və medal təqdim olunub.
Bundan başqa, Əliyev Vəkillər Kollegiyasının şahmat üzrə yığma komandasına birbaşa üzv seçilib.
