Gəncədə minik maşınları toqquşub. Bu haqda fevralın 8-i Gencexeber.az-a məlumat daxil olub.
Hadisə Heydər Əliyev prospekti ilə Həsən Əliyev küçəsinin kəsişməsində qeydə alınıb. Hərəkətdə olan "VAZ-2107" markalı maşın onunla yanaşı hərəkət edən "Chevrolet" markalı minik avtomobili ilə toqquşub. İlkin məlumata görə, sonuncu qəflətən sola dönmə əməliyyatı edərək qəza törədib.
Qəza nəticəsində xəsarət alan olmayıb.
Hadisə yerinə cəlb olunan polis əməkdaşları araşdırmalar aparıblar.
