Gəncədə "Mega Store"un qarşısında yolda hərəkəti tənzimləyən, piyadaların təhlükəsiz hərəkətini təmin edən xətlənmə silinib. Bu haqda Gencexeber.az-a yanvarın 27-si məlumat daxil olub.
Sözügedən məsələ şəhərin Şah İsmayıl Xətai prospektində müşahidə edilir. Yolda qoşa xətt və piyada zolaqları silinib. Prospektdə avtomobillərin hərəkət intensivliyi yüksəkdir. Buna baxmayaraq sakinlər maşın yolunun ortası ilə getməyə məcbur qalırlar.
"Burada piyada yolunun adı var, özü yoxdur. Piyada zolaqlarının əvvəl olduqları yeri əzbər bilən sürücülər piyadanı gördükdə yol verirlər. Bilməyənlər isə yox", - deyə sakin bildirib.
Xatırladaq ki, oxşar vəziyyət Adilxan Ziyadxanov küçəsi ilə Atatürk prospektinin kəsişməsində yaşanır.
[caption id="attachment_9068" align="alignnone" width="300"]
Foto Gencexeber.az[/caption]
[caption id="attachment_9069" align="alignnone" width="300"]
Foto Gencexeber.az[/caption]
